ماقلت احبك ولا قلت ما احبك

((( ما قلت احبك ولا قلت ما احبك )))

ما قلت احبك ولا قلت ما احبك

احب مالي عيوني وانت تسواها

لو تدري اش كثر تعنيلي تعرف انك

اخر امل في حياتي واول منها

يا كثر احس ان بك مني وبي منك

روحن قسمها على شخصين مولاها

لا تقول شتحب فيني اعشقك كلك

من ليل شعرك لشمسك واخر اقصاها

سميتني نصفك الثاني ويا شحك

انا بسمك كلي وانت معناها

تعبت اوديك له يا قلب ويردك

لا خذ حلومي ولا خلاني انساها

كل الحمام استراح وناح في ظلك

والورد الاصفر سقته الروح من ماها

ليتك بعمري ثلاث اشخاص ما املك

واحد معي دوم , واحد روحي يملاها

والثالث بجفن عيني لا فقد حسك

او غمض الجفن جاني فيك يتباها

مو بس احبك انا والله من حبك

احب حتى ثرى الارض الي تاطاها
.